Ish ministri i Drejtësisë, Ylli Manjani nëpërmjet një statusi në rrjetet sociale është ka reaguar për situatën politike në vend.
Manja është shprehur se çuarja e vendit në zgjedhje me qeveri që s’mban përgjegjësi politike nuk është një gjë e mirë.
Postimi i Manjanit
Presionin e ka qeveria
Për hir të drejtësisë së argumentit, duhet të biem dakort se rregulli i mbylljes së mandatit sipas afateve kushtetuese nga ana e qeverisë është i rëndësishëm.
Gjithashtu çuarja e vendit në zgjedhje me qeveri që smban përgjegjësi politike nuk është një gjë e mirë. Në të shkuarën kemi patur modele shumë të këqija.
Nga ana tjetër Opozita është gjithnjë legjitime të kërkojë largimin e qeverisë. Normaisht ajo nuk ka ngut, sepse kur vjen me ngut largohesh po me ngut.
Puna është që parlamenti dhe qeveria që dolën pas zgjedhejve të 2017-ës, prishën çdo skeme llogjike përfaqësimi dhe dialogu politik.
Fakt është që si hyri si nuk hyri opozita në parlament, nuk e ndryshon dot zhballancimin e pandershëm që u prodhua në ato zgjedhje.
Po për hir të fakteve zgjedhjet e 2017 u mbajtën jo në bazë të Kushtetutës dhe ligjit, por në bazë të një marrëveshje politike PD-PS. Ndalimi i koalicioneve ishte dëmtimi më i rëndë që ju bë zgjedhjeve dhe, së bashku me marifetet e formulës elektorale prodhuan këtë parlament, ku 48% bëhen si me magji 55%.
Situata degradoi në këtë pikë, krejt natyrshëm pasi arroganca e maxhorancës fiktive nuk la më asnjë hapësirë dialogu.
Fundja, po për të qenë të drejtë, opozitës mire ja bëri se me atë sjellje politike në zgjedhjet e fundit e meritonte.
Por arroganca nuk u ndal thjesht te opozita, por u shtri ne popull. Prona, ekonomia, puna, të drejtat e liritë u dhunuan dhe u bënë të dhunueshme nga qeveria që kontrollon tashmë çdo gjë!
Ky është ekstremi, ndaj njerëzit mblidhen sot në protestë me një fërshëllimë.
Presionin në këto kushte e ka qeveria. Sa më shpejt ta kuptojë e të reagojë aq më mirë do jetë për të!
Sa më shumë ta shtyjë reagimin, aq më mirë do jetë për opozitën. Kjo e fundit rrypin e pykën ka!
