Deputeti i Partisë Socialiste për Librazhdin, Taulant Balla i është përgjigjur akuzave të opozitës bërë nga kreu i Departamentit të Mjedisit në PD, Jamarbër Malltezi, në lidhje me prerjen e paligjshme të pyjeve në vendin e quajtur Darkat e Lunikut në Bashkinë e Librazhdit.
Në një postim në rrjetin social Facebook, Balla thotë se opozita opozita mashtron pasi kompania që ka patur koncesionin për pyjet ka sponsorizuar PD.
“Jam informuar nga autoritetet lokale sot se fotografite e publikuara kanë të bëjnë me një rast të cilin Inspektoriati dhe Policia e Librazhdit e kanë konstatuar 2 muaj më parë dhe është kallezuar ne Prokurori. I kemi kërkuar drejtësisë të çoje para përgjegjesisë çdo person përgjegjës. Gjithashtu u informova se kompania që ka patur koncesionin aty deri në fillim të moratoriumit, ka filluar shfrytëzimin në atë zonë dhe e ka firmosur këtë kontrate para 6 vitesh, kohë kur Kryeministër ishte vjerri i Jamarbërit. Për fat të keq kanë qenë koncesione shfrytezimi 10 vjecare, por që moratoriumi i vendosur në Shkurt 2016 i pezulloi”.
“Së dyti, kam dëgjuar edhe herë të tjera akuza. As nuk me bën përshtypje qe sa herë që dikush shkel ligjin në Librazhd, akuzohem unë. Edhe kur shkelesi i ligjit është një anëtar i Partisë Demokratike. Kompania që ka patur koncesionin aty, ka sponsorizuar fushatën e Partisë Demokratike”, shprehet Balla.
Më herët, kreu i Departamentit te Mjedisit në PD, Jamarbër Malltezi, është shprehur në statusin e tij në Facebook se pyjet e Librazhdit janë shkatërruar nga bandat e pushtave te shtetit. “Po priten pyjet në kundërshtim me ligjin dhe moratoriumin ne fuqi. Ne Malin e Lunikut janë prerë mijëra pemë në formë shkretëtirizimi, ndërsa në Stravaj kanë prere edhe pemet 10 vjecare të ahut”, ka thënë ai.
