Cristiano Ronaldo mund të humbasë transfertën me Napolin në Serie A, pasi ka një problem në kaviljen e majtë.
Ylli portugez është stërvitur veçmas në seancën e kësaj të mërkure, por do t’u nënshtrohet ekzaminimeve të mëtejshme para se të merret vendimi përfundimtar.
Sipas të gjitha gjasave, CR7 do ta ndjekë nga televizori takimin e “San Paolos”.
Juventusi nuk rrezikohet nga Napoli në garën për titull edhe nëse e humbet këtë sfidë, pasi diferenca është plot 13 pikë.
Për bardhezinjtë do të ishte një problem i rëndë nëse portugezi do të rrezikonte ndeshjen e kthimit me Atleticon e Madridit në Champions.
