I ftuar në ‘A2’, avokati Ledio Braho, ka analizuar ngërçin në Reformën në Drejtësi dhe problemet e mëdha që ka në përzgjedhjen e kandidatëve.
Ai tha se kërkesa e opozitës për të zgjedhur një Prokuror të Përgjithshëm me konesensus është e drejtë dhe ndihmon në sistemin e drejtësisë. Ndërsa shtoi se aktualisht kandidatët që ka prodhuar KLP janë me probleme, duke sjellë në vëmendje rastin e Bujar Sheshit dhe të Nurihan Seitit.
‘Prokurori i Përgjithshëm zgjidhet nga 3/5 pas propozitmit të bërë nga KLP, nëse nuk votohet nga Kuvendi, atëherë zgjidhet prokuror i përgjithshëm i renditur i pari nga KLP.
Cfare besimi mund te kete te KLP kur pjese e ketij organi eshte edhe Prokurori Bujar Sheshi, i cili ka qenë bashkëpuntor i sigurimit. Ne dijenine time duke ju referuar mediave edhe nje anetare tjeter, Nurihan Seiti, ka qenë prokurore para viteve 90 e cila ka perfaqesuar akuzen ne ceshtje qe janë dënuar persona për agjitacion propagande. Pra nuk ka siguri që prokurorët e Përgjithshëm të zgjedhur nga KLP-ja aktuale të mos jenë si Arta Marku, ose mund të jetë Arta Marku vetë. Në momentin që kapet politikisht Prokuroria e Përgjithshme nga ana e mazhorancës, atëherë do të kemi hetime politike si aktualisht. Kërkesa e opozitës nuk e kthen në pikën zero, por sjell besim tek organi i prokurorisë. Reforma u bë për të pastruar Drejtësinë nga krimi dhe korrupsioni. Të kërkosh emërimin e Prokurorit te Përgjithshëm me konsensus nuk e kthen reformën në pikën zero, përkundrazi ndihmon drejtësinë’, deklaroi Braho.
