Një fazë të plotë me rezultate negative. Nëse e marrim si numër ndeshjesh, korçarët e Skënderbeut kanë arritur të grumbullojnë vetëm 3 pikë. Në nëntë takimet e luajtura, duke filluar nga humbja e parë me Teutën e deri te ndeshja e kësaj jave me Teutën, nga 27 pikë të mundshme, Skënderbeu ka mundur të marrë vetëm tri pikë, duke lënë 24 pikë të tjera rrugës. Pikë që kanë çuar ekipin nga vendi i dytë në kampionat në vendin e pestë.
Në ndeshjen e kësaj jave Skënderbeu do të ketë në dispozicion edhe Kristi Vangjelin, i cili mungoi ndaj Tiranës duke kompletuar kështu repartin e mbrojtjes, por edhe duke rritur numrin e lojtarëve shqiptarë të disponueshëm për Shehin.
Nga ana tjetër pritet që në këtë takim të rikthehen edhe Zani Kurti në dispozicion të trajnerit, ndërsa edhe Toskiç është i gatshëm për të qenë pjesë e ekipit.
