Duka dhe Dukesha e Sussex po shijojnë një turne 3-ditor në Marok dhe nga fotot mund të kuptojmë që çifti po i shijon shumë.
Princi Harry tregoi anën e tij gazmore, ndërsa gjatë një vizite zyrtare u hoq sikur nuk e dinte që bashkëshortja e tij ishte shtatzënë (ajo pritet të lindë në prill).
Duke folur gjatë një takimi me përfaqësues të një organizate për edukimin, një prej mësueseve përgëzoi Meghan për shtatzëninë.
I ulur pranë Dukeshës, Harry u kthye nga bashkëshortja e tij dhe bëri një fytyrë sa qesharake dhe të habitur.
“Surprizë!”, tha Meghan. “Ajo është shtatzënë? A është i imi?”, tha me shaka Princi, ndërsa të gjithë nisën të qeshnin.
Çifti po kalon momente shumë të gëzuara, ndërsa Meghan po shijon muajt e fundit të pritjes së ëmbël.
