Nga Boldnews.al
Nëse ligji do të ishte njësoj për të gjithë, kryeministri Edi Rama në këto momente duhet të ishte marrë i pandehur për shkeljen e ligjit që ndalon reklamimin për kompanitë e basteve.
Deri më tani strukturat e shtetit as kanë ndërmend të bëjnë “vetëvrasje”, duke proceduar Ramën, por kreu i qeverisë me dhe pa shkujdesje, prej ditësh po gjezdis tërë shqipërinë me një xhup me logon e “Liverpulit”, sponsor i të cilit është edhe kompania e basteve “BETVICTOR”. Madje, kjo logo është aq e dukshme, sa ka ngjallur interes të bastexhijve të vjetër, të frymëzuar nga reklama me markë kryeministrore.
Logoja e kësaj kompanie bastesh është ligjore në Angli, ku lejohen bastet sportive, por antiligjore në vendin tonë, për më shumë më nismën e vetë kryeqeverotarit që vendosi të ndalojë me ligj aktivitetin e basteve në vend. Në këtë ligj, parashikohet qartë se nuk lejohet reklamimi i çdo kompanie lojërash fati.
Pak kohë më parë, në ndeshjen e Supërligës Partizani-Kastroti, u procedua ekipi krutan, duke marrë nën hetim administratorin e klubit, pasi futbollistët në bluza kishin logon e një kompanie bastesh.
Ky detaj u vu re nga zëvendëskryeministri Erion Braçe që si një “snajper i vertetë” që i ka zët padrejtësitë dhe “urren” shkelësit e ligjit, u kërkoi autoriteteve të merrnin masat. Mund të duket e habitshme, por me këtë precedent Braçe e ka në duar kryetarin e tij. Thua ta procedojnë?
Kushdo mund të verë baste nëse Braçe do reagojë institucionalisht… Raporti është 1.01, që nënkryeministri nuk do reagojë për të ndërsyer strukturat e shtetit për të proceduar penalisht Ramën, ndërsa 100, është koifiçenti që Braçe procedon Ramën… Luani blofin, edhe pse bastet nuk lejohen…
