Një ngjarje e tmerrshme është shënuar në “Bucks County”, SHBA. Pesë persona të një familjeje janë gjetur të vdekur në një apartament.
Personat që kanë humbur jetën janë të moshën 42, 25, 13 dhe dy 9-vjeçë.
Në momentin e krimit makabër në shtëpi kanë qenë shtatë persona, ku dy kanë mbijetuar, por që janë nën akuzë për vrasjen e të tjerëve, edhe pse akoma nuk është sqaruar asgjë në lidhje me ngjarjen.
Dy personat e mbijetuar që janë nënë dhe bijë, u thanë hetuesve se një nga gratë e vdekura vrau të paktën një nga viktimat e tjera para se të mbytej nga mbesa e saj, e cila mbijetoi.
Sipas policisë, një punonjës i rastit nga Departamenti i Fëmijëve dhe të Rinjve shkoi në apartament për një vizitë të paparalajmëruar rreth orës 16:00 të hënën, ku dhe bëri zbulimin e krimit makabër pasi askush nuk u përgjigj dhe ajo kërkoi një njeri të mirëmbajtjes për të kontrolluar banesën, shkruan Boldnews.
Punonjësi i rastit e gjeti apartamentin në rrëmujë, dhe të dy të dyshuarit të çorientuar, në gjendje shoku.
Të pesë viktimat ishin në njërën nga dhomat e gjumit, ku disa ishin në krevat dhe disa në dysheme.
Shana dhe Dominique Decree janë dy personat që i kanë shpëtuar sulmit dhe janë dërguar në spital dhe më pas në paraburgim.
Teksa viktimat janë Jamila Campbell, motra e Shana, Imani dhe Erika Allen dy binjakët nëntë vjeçare fëmijë të Jamila. Naa’Irah Smith 25 vjeç dhe Damon 13 vjeç fëmijë të Shana.
Akoma nuk dihet se si ka ndodhur apo çfarë ka ndodhur, por Shana ka thënë që të gjithë ishin gati për të vdekur në atë shtëpi.
/Boldnews.al/
