Forcat e Policisë italiane kanë vënë në pranga 22 persona mes tyre edhe shqiptarë, të kapur në flagrancë me 130 kg lëndë narkotike.
Sipas raportimit nga mediat italiane, janë marrë dhjetë masa arresti me burg, 36 persona janë nën hetim, 22 arrestime dhe janë kapur 130 kg drogë. Ky është konsideruar si një trafik i trajtuar nga subjektet e lidhura me Kamorrën e goditur në ishullin e Elbës.
Këto janë shifrat e operacionit të koduar si ‘Dy botët’, të ndërmarrë nga karabinierët, të cilët këtë mëngjes kanë ekzekutuar urdhëra të arrestit me burg, të lëshuar nga gjykata kundër 10 personave, italianëve dhe shqiptarëve, të cilët janë përgjegjës për veprën penale të trafikut të paligjshëm të drogës , të vendosura në krahinat e Livornos dhe Pizës.
Hetimet e kryera nga Massimo Mannucci, kanë përfunduar në arrestimin në flagrancë, i kryer në qershor të 2016 në Livorno, në Piazza Garibaldi, ku një shtetasi shqiptar iu gjet në posedim mbi 30 gram kokainë dhe lëndët plasëse.
Hetimet filluan menjëherë të bënin të mundur që të konstatohej se shqiptari ishte një nga anëtarët e një grupi, të përbërë nga bashkatdhetarë të tjerë, të implikuar në furnizimin me sasi të mëdha të lëndëve narkotike të ndryshme, kryesisht marijuanës dhe kokainës, si dhe shitjes me pakicë në territorin provincial, përmes një rrjeti shpërndarës të testuar dhe të përhapur. Në total, janë hetuar 36 persona.
Në operacionin e sotëm, numri i personave të arrestuar nga karabinierët shkojnë deri në 22. Gjithsej, karabinierët ka konfiskuar më shumë se 126 kilogram marihuanë, më shumë se 5 kg hashash dhe rreth 200 gram kokainë dhe ka identifikuar vendin e fshehjes së lëndëve narkotike. /Boldnews.al/
