Smiling Depression, është forma më e përhapur e maskimit të depresionit pas një buzëqeshjeje. Në fakt kjo nuk do të thotë që këta persona e vuajnë më pakë depresionin se të tjerët , por thjesht është më e vështirë që ky shqetësim psikologjik të jetë lehtësisht i identifikueshëm tek ata.
Termi që përdoret nuk është teknik për psikologët, për të cilët ai që i afrohet më tepër është termi depresion atipik.
Sipas kërkueses Olivia Remes së Universitetit të Cambridge, njerëzit që jetojnë me këtë gjë, zakonisht nuk lenë asnjëherë përshtypjen se mund të kenë ndonjë motiv për të qenë të trishtuar. Sipas saj janë kryesisht njerëz që kanë një karrierë, shtëpi, fëmijë, partner. zhvillojnë biseda të këndshme, por jo vetëm. Shpesh ndjehen vetëm dhe sforcimet që bëjnë për të vazhduar me këtë maskim i bën të jenë tej mase vulnerabël dhe të brishtë.
Sipas kërkueses, kjo gjendje shqetësuese e fshehtë është mjaft e përhapur dhe prek në Britaninë e Madhe 15-40% të atyre që vuajnë nga depresioni.
