Duke e sabotuar Shqipërinë, duke i vënë stërkëmbësin integrimit, ata që ju bëjnë thirrje për protesta po ju them që e kanë gabim”.
Janë fjalë të Erion Veliajt, kryetarit të Bashkisë së Tiranës pak ditë më parë kur opozita bënte thirrje për të protestuar në rrugë kundër blerjes së votave nga paratë e krimit. Por pikërisht i njëjti Erion Veliaj që sot flet kundër protestave vite më parë ishte ai që i organizonte.
Në rrjetet sociale qarkullon një intervistë që Veliaj ka dhënë në vitin 2010, vetëm pak kohë pas zgjedhjeve të përgjithshme të vitit 2009 ku PS doli e humbur. Me akuzat për vjedhje të zgjedhjeve dhe sloganin “hap kutitë, ose largohu Rama dhe Veliaj organizuan një sërë protestash në rrugët e vendit që kulmuan me ngritjen e një çadre ku u mbajt edhe një grevë urie. Por kjo është histori që dihet.
Në atë kohë Veliaj thoshte në studion e “Zërit të Amerikës” se protestat e bëjnë më të mirë demokracinë.
“Shqipëria është në një gjendje konstante protestash dhe në fund të fundit kjo është gjendja më normale për një njeri që i janë shkelur të drejtat mund të bëjë. Demokracia bëhet më e mirë kur ne reagojmë, kur ne protestojmë, kur ne kërkojmë që gjërat të ndryshojnë.
Unë besoj që demokracia vetëm fitim ka nga kjo, kështu që të përdorësh popullzim edhe në Shqipëri dhe të thuash se “nuk duhet protestuar se ja erdhën zgjedhjet e tjera, se ja tani kemi vizat, se ja tani është statusi kandidat… gjithmonë ka një “ja tani, ja tani”, por problemi është gjëja më urgjente tani në Shqipëri është që të jetojmë normalisht” – deklaronte Veliaj në atë kohë.
Krahasojeni pak me refrenin e tanishëm: “Duke e sabotuar Shqipërinë, duke i vënë stërkëmbësin integrimit, ata që ju bëjnë thirrje për protesta po ju them që e kanë gabim”. Kë Erion të besojmë? ©LAPSI.al
https://www.facebook.com/BrryliBroadway/videos/1020932231404515/
