Në ngjarjen e rëndë në qendër të Elbasanit ku u plagos shtetasi Bledar Muça, miku i Florenc Capjes, ka ngelur e plagosur edhe një punonjëse polie.
Mësohet se ajo është qëlluar si pasojë e breshërisë dhe është jashtë rrezikut për jetën. Punonjësja e policisë është plagosur aksidentalisht nga plumbat, e cila po kalonte në rrugë dhe nuk ishte shënjestër e atentatit.
Ngjarja:
Ngjarja është hakmarrje ndaj fisit Çapja dhe shënjestër ka qenë Florenc Çapja, i cili ndodhej në një makinë tip “Ford” bashkë me shokun e tij, Bledar Muça i cili ngeli i plagosur rëndë.
Breshëria e plumbave ishte drejtuar për tek Florenc Capja por ky nuk ka pësuar dëmtime.
Ndërsa miku i tij Bledar Muça, i cili ka mbetur i plagosur në gjendje të rëndë.
Ndërkohë, atentatorët janë larguar me një automjet “Volksëagen” nga vendi i ngjarjes dhe nuk dihet identiteti i tyre. Policia ka nisur hetimet për identifikimin dhe arrestimin e tyre. Kujtojmë se Florenc Çapja mbeti i plagosur në muajin shkurt 2016 nga masakra në Elbasan.
