Një sherr me thika në Durrës ka sjellë plagosjen rëndë të një adoleshenti.
Ngjarja mësohet se ka ndodhur në lagjen numër 17 të qytetit bregdetar. Dy adoleshentë, nxënës të së njëjtës shkollë 9-vjeçare, janë konfliktuar mes tyre. Konflikt që ka degjeneruar me përdorimin e armëve të ftohta. Një prej tyre, K.Ç. 14 vjeç, është goditur me thikë, duke marrë plagë në shpinë, në pjesën e shtyllës kurrizore.
I lënduari është transportuar në Urgjencën e Spitalit Rajonal Durrës. Nga aty, mjekët vendosën transportimin e tij drejt Tiranës për të marrë ndihmë mjekësore më të specializuar. Ndërsa personi që e qëlloi me thikë, S.K. 16 vjeç, është ndaluar nga policia.
Dyshimet paraprake janë se sherri ka nisur për motive të dobëta. Një hetim ka nisur për zbardhjen e ngjarjes. “Materialet i kaluan Prokurorisë pranë Gjykatës së Shkallës së Parë Durrës për shtetasin S.K., për veprën penale ‘Plagosja e rëndë me dashje’ parashikuar në nenin 88 i Kodit Penal”, njoftoi Policia.
/Boldenws.al/
