Aktori i ‘Portokallis’, Florian Binaj ka publikuar një spot për Shqipërinë ku i drejtohet aktorit me famë botërore Liam Nesson, i njohur sidomos për filmat “Taken”, që në qendër ka personazhe shqiptarë.
Që prej ditës së djeshme kur është publikuar ky spot ka marrë shumë komenti si pozitive po ashtu edhe negative.
Synimi i këtij spoti është që të marrë vëmendjen e botës, por ajo që bie në sy është edhe anglishtja shumë e dobët që është përdorur.
Vlen të theksohet se mund të mos jetë momenti i duhur për të përdorur imazhin e Liam i cili është nën akuza nga fansat e tij, për disa komente raciste që ka bërë kohët e fundit.
Por pse ky spot po ndesh në komente?
Personazhet shqiptarë, me të cilët luan Neeson janë personazhe negativë, trafikantë e rrëmbyes dhe pikërisht kjo është edhe arsyeja pse ka edhe zëra kundër këtij spoti.
Në fakt, spoti synon krejt të kundërtën, duke i shfaqur imazhe e dëshmi Neesonit, se Shqipëria nuk është ajo e filmave që ai luan.
Ju çfarë mendoni, a e rrit imazhin e Shqipërisë ky spot, apo na tregon edhe më tepër komplekset?!
