Shoqata “Çamëria” paralajmëron protestë një ditë para vizitës së Ministrit të Jashtëm grek Nikolaos Kotzias, i cili do të qëndrojë për një vizitë 2-ditore në vendin tonë.
Shoqata “Çamëria”, e quan absurd qëndrimin e Greqisë lidhur me çështjen çame. Për këtë arsye ajo paralajmëron se gjatë takimit të 2 ministrave të jashtëm Kotzias-Bushati do të zhvillohet një protestë.
“Ministria e Jashtme Greke vijoi me qëndrimin absurd se çështja çame nuk ekziston. Nesër, në orën 8:30 të mblidhemi përpara Ministrisë së Jashtme të Shqipërisë me moton “Unë jam shqiptar i Çamërisë, unë ekzistoj”, gjatë takimit mes ministrave të Jashtëm te dy vendeve!”, deklaron shoqata.
Po sot pati një ‘përplasje’ mes MPJ greke dhe kryeministrit Edi Rama, i cili deklaroi se po punohet për heqjen e ligjit të luftës me Greqinë gjatë Kongresit të PDIU.
