Përplasjet në hip-hopin shqiptar nuk kanë të ndalur. Kësaj radhe zhvillimi më i fundit lidhet me Unikkatilin, ndonëse jo direkt.
Ka qenë vëllai i liderit të “TBA”, Mentori, ai i cili është përfshirë në një përplasje të drejtpërdrejtë me reperin e ri nga Kosova, Fero.
Mentori ka ndarë një fragment nga mesazhi në adresë të Feros, ku i kërkon përballje, shoqëruar me një varg të gjatë të ofendimeve.
Ai madje ka deklaruar që ndihet i provokuar nga Fero, për arsye që nuk janë bërë të ditura dhe të cilat kanë çuar në këtë shpërthim.
Kujtojmë se Fero në një varg intervistash televizive, Unikkatilin e ka konsideruar si reper, të cilit i ka ikur koha, teksa mendim të njëjtë nuk ka pasur për Getoar Selimin, për të cilin haptazi e ka shprehur pëlqimin nga grupi i reperëve të ‘gardës së vjetër’.
