Të paktën 70 persona humbën jetën dhe mbi 200 të tjerë po trajtohen në spitale, si pasojë intoksikimit nga alkooli në Indi. Bilanci i viktimave pritet të rritet më tej, njoftojnë autoritetet vendase.
Shkak i tragjedisë, ishte konsumi i alkoolit të paligjshëm, të bërë në mënyrë artizanale nga shitësit lokalë. Lënda toksike u shkaktoi konsumatorëve të vjella, dhimbje të fortë në gjoks dhe probleme me frymëmarrjen.
Alkooli artizanal, është një prej vrasësve më të mëdhenj në Indi, ku qytetarët të shtrënguar nga varfëria, konsumojnë pijet e paligjshme që kushtojnë më pak se gjysmë dollari.
