Supersfida mes Skënderbeut dhe Tiranës do të ngejë siparin e javës së 23-të të Kategorisë Superiore. Si korçarët ashtu dhe kryeqytetasit vijnë në këtë sfidë pas rezultateve zhgënjyese. Bardhekuqtë u mposhtën në transfertë nga Flamurtari me rezultatin 2-0, ndërkohë që Tirana barazoi në shtëpi përballë Luftëtarit.
Si trajneri Shehi ashtu dhe Mema kanë bërë publik formacionet zyrtare, teksa surprizat nuk mungojnë. Tekniku i korçarëve ka preferuar në krahun e djathtë të mbrojtjes Ditën, teksa Radas është rikthyer titullar në qendër. Bardheblutë e nisin me Ngonë si pikë referimi i mbështetur nga Greca dhe Kobina. Ky i fundit ka fituar besimin e trajnerit pas golit të shënuar ndaj Luftëtarit duke lënë në stol Halilin.
SKËNDERBEU-TIRANA ORA 18:00
FORMACIONET ZYRTARE:
SKËNDERBEU: Dajsinani, Pëllumbi, Radas, Dita, Abazai, Taipi, Muzaka, Sibo, Gripshi, Pervan, Krasniqi. Trajner: O.Shehu
TIRANA: Abibi, Kërçiku, Turtulli, Atinga, Imami, Karabeci, Marveje, Kobina, Greca, Hasani, Ngo. Trajneri: A. Mema
Gjyqtarë: Laver Alla, Ilir Tartari, Edlir Malo, Devis Korreshi; Gjyqtarë linje: Olsi Sokoli; Olsid Ferataj
