Sikur mos të mjaftonin hallet nga largimi i lojtarëve titullarë, vlonjatët po përjetojnë një situatë të keqe edhe në drejtim të dëmtimeve. Trajneri Ilir Daja duket se është bërë me dhembje koke nga situata më e fundit. Dje ka shqetësuar edhe kapitenin Artim Pollozhani. Ky i fundit është me grip dhe është stërvitur në mënyrë të diferencuar.
Shpresohet që Pollozhani të jetë gati me Partizanin, por ende nuk mund të thuhet fjala e fundit. Nga ana tjetër, mbrojtësi Fjoralb Deliaj nuk ia del as për këtë takim. Vlonjati dëmtoi kaviljen përpara se të niste ndeshja me Skënderbeun, ndërsa së fundmi ka ndierë dhimbje dhe gjasat për t’u rikthyer janë të pakta. Deliaj dje nuk është stërvitur, por ka kryer vetëm ushtrime riaftësuese. Ende nuk dihet se sa do të qëndrojë jashtë fushave mbrojtësi vlonjat.
o ashtu edhe Argjent Mustafa pritet të mungojë në ndeshjen me Partizanin. Lojtarit i është shfaqur sërish dëmtimi i pak kohëve më parë. Për ndeshjen me të kuqtë, si mungesë llogaritet edhe sulmuesi Xhevahir Sukaj, i cili ka probleme me rrëzat e kofshëve./Boldnews.al/
