“Smartphone-i” juaj përmban një listë të hollësishme me të gjithë vendet ku ju keni qenë, që ju ndoshta nuk e dinit që ekzistonte.
Nuk ka rëndësi nëse keni një celular me program iOS apo Android, pasi receptorët e telefonit mund të shohin se ku shkoni, dhe të regjistrojnë të gjithë informacionin.
Të dhënat shërbejnë si një mënyrë për t’ju kujtuar se ku keni qenë ekzaktësisht.
Gjithashtu, kjo lejon telefonat celularë t’ju japin informacion duke ditur ku tentoni të shkoni dhe në çfarë ditësh.
E gjitha kjo mundësohet nga Google, në faqen e Timeline, që njihej më parë si “Location History”.
Nëse klikoni opsionin, mund të shihni një hartë të të gjithë vendeve që keni qenë, të grupuara në udhëtime dhe me data të caktuara, raporton KosovaPress. Në të njëjtën faqe, ju mund ta ndaloni këtë opsion, ta bëni “pause”, ose ta aktivizoni nëse dëshironi.
