Kryetari i Kuvendit Gramoz Ruçi ka njoftuar përmes një deklarate për mediat, anulimin e seancës parlamentare të së enjtes, për shkak të organizimit të protestës nga opozita.
Gjatë fjalës së tij, kryeparlamentari sulmoi opozitën për organizimin e protestave dhe për bojkotimin e parlamentit.
Duke u ndaluar te protesta e 16 shkurtit, Ruçi shprehu keqardhje për “dhunën e përdorur” ndaj zyrës së kryeministrit Edi Rama.
Ai tha se pamë “pamje të trishtueshme të dhunës në godinën e qeverisë”. “Të gjithë e pamë që bënë xhiron e botës”, shtoi.
Mes të tjerash, Ruçi falënderoi dhe ministrin e Brendshëm Sandër Lleshaj për sjelljes e policisë gjatë protestës së javës së shkuar. Megjithatë, në asnjë resht të fjalimit të tij, nuk përmendi gazin e përdorur kundër protestuesve që solli dhjetëra të helmuar, mes tyre protestues, gazetarë dhe vetë efektivë policie.
/Boldnews.al/
