Deputeti demokrat, Ervin Salianji, ka sqaruar në emisionin ‘Dritare’ në News 24 vendimin e PD për të djegur mandatet.
I pyetur nga gazetarët e pranishëm në panel, se përse PD vendosi sot të djegë mandatet? Salianji u përgjigj se sot ekzistojnë të gjitha provat dhe ato janë në prokurori, të cilat faktojnë vjedhjen e mandateve.
‘Ne po flasim për djegie në mënyrë simbolike, sepse procedura do të jetë dorëzimi një më një i të gjithë listës së kandidateve. Këtu nuk kemi konsipracion, kjo është një vendimmarrje politike e opozitës. Nga ky moment mos diskutoni më për djegien e mandateve, do të digjet e gjithë procedura ligjore për të mos njohur një parlament që është shpallur deligjitim nga Zëri i Amerikës. Sot kemi përgjegjës në prokurori, dhe në këtë moment prokuroria duhet të kishte filluar arrestimin e personave’, u shpreh Salianji.
