Anëtari i kryesisë së Partisë Demokratike, Jamarbër Malltezi, ka reaguar pas deklaratës së bërë nga deputeti i LSI, Lefter Koka, i cili tha se nuk do të dorëzojë mandatin e deputetit, duke dalë kundër vendimit të opozitës së bashkuar.
Përmes një postimi në Facebook, Malltezi shprehet se, firma që Lefter Koka ka hedhur në aferën 178 milionë euro të inceneratorëve, në atë kohë minister Mjedisi, e detyron të hedhë tani “vallen e Ramës” siç e quan ai.
“Shembulli tipik i qeverisjes: Blerja ose shantazhi. Këtij hallexhiut i deklarova 14 muaj më parë “Pendohu, bëhu dëshmitar i drejtësisë” lidhur me aferën kriminale të inceneratorëve ku Rama-Ahmetaj po përlajnë 178 milionë euro, por Teri ka firmos për këtë aferë dhe tani do hedhë vallen sipas Ramës. 14 muaj që qeveria i fshihet debatit për inceneratorët! Çfare halli i madh i ka zanë?”, shkruan në Facebook Jamarbër Malltezi.
