Ditën e sotme ka ndërruar jetë stilisti i “Chanel”, Karl Lagerfeld. 85-vjeçari ka vdekur nga shkaqe ende të panjohura, por prej javësh ai kishte shfaqur probleme në shëndet.
Një nga çështjet që është diskutuar pas këtij lajmi është: kujt do t’i shkojë pasuria marramendëse e stilistit. Sipas disa mediave franceze një pjesë e mirë e saj do i shkojë maces së Karl, Choupette. Ka qenë vetë stilisti ai që ka treguar më herët se pasurinë do ja japë bashkëudhëtares së tij.
Lagerfeld ka qenë gjithmonë i shoqëruar nga macja, madje dikur ka dashur të thyejë ligjet për t’u martuar me të.
Pasi u dha lajmi, shumë figura të njohura të modës dhe televizionit kanë shkruar për ikonën “Chanel”. Bota e modës është në zi.
