Nga Boldnews.al
Vetëm një ditë pasi zyrtarisht e gjithë opozita vendosi të djegë mandatet e deputetëve dhe vendi dëshpërimisht futet në krizë edhe më të thellë politike, banorë të shumtë i zunë pritë kryeministrit në Lezhë, për të mos e lejuar që të shkojë në një takim të parashikuar në Pukë.
Por Rama e gjeti një shteg nga të kalonte, duke përshkuar fshatra të Lezhës e më pas të gjente një aks të lirë, duke i “rënë nga Kina” për të mbërritur në Pukë. Jemi para një strategjie të re të revoltës qytetare , të cilët tashmë nuk kanë më nevojën për prinjësit politikik, qofshin edhe nga opozita, pasi reagimi në thelb është e tyre. Kryeministri nuk e ka problem që të mos lejohet të gjezdisë shqipërinë, edhe nëse nuk ka një rrugë dytësore për të devijuar nga turma që i bllokon njërën udhë.
Vdekja politike e kreut të qeverisë vjen nëse i ndërpresin internetin dhe qoftë edhe për pak ditë nuk do ketë kontakt në Twitter, Facebook, apo në ER TV. Kjo do jetë rënia përfundimtare e tij. Pa mundësi komunikimi virtual, pa lëshuar batuta dhe veshur tuta, në formë çitjanesh.
Duke i hequr vitalitetin, Rama e ka të pamundur të paraqesë shqipërinë imagjinare. Propaganda do i mbetet në nivelet më të ulëta dhe si e tillë, qeveria e tij, e mbështetur në mashtrim, trillim dhe diversion politik, pa internet e televizione, do jetë e rënë.
Edhe armatën e tij të propagandistëve, ministra, deputetë dhe administratë të afërt e ka të instruktuar që të zaptojë çdo hapësirë publike për të hedhur në treg mallin e tyre të skaduar. Vetë Rama nuk qeveris më me akte, gjithnjë e më rrallë duket në mbledhjet e Këshillit të Ministrave dhe në mandatin e dytë qeverisës mbledhjet më parë i drejtonte zëvendëskryeministrja Senida Mesi, ndërsa aktualisht zëvendëskryeministri Erion Braçe, për pak orë bëhet “shef i madh”.
Me vetëdijen e një kryeministri të pavetëdijshëm për detyrën që ka, Rama veç fjalëve pa fund, gjesteve, gjestikolacioneve batutate apo shfaqjes deri në tre të mëngjesit në komunikime online, nuk di të ofrojë gjë tjetër.
Është në një situatë që e beson se njerëzit (edhe me ndihmën e paçmuar të bandave kriminale), e kanë zgjedhur për të qenë aktiv në rrjetet sociale. Përqark ka ministrat e rinj që edhe vetë nuk e kuptojnë barrën që duhet të mbajnë, ndërsa duket se po bëjnë stazhin politik si misionarët e Ramës dhe jo si përgjegjës për dikasterët e rëndësishme që drejtojnë.
Një kryeministër virtual është lehtësisht i rrëzueshëm vetëm nëse i shembet bota imagjinare e internetit. Populli i revoltuar mund të bllokojë rrugët, ti lërë në pritje të gjatë punonjësit e administratës që dalin në çdo takim me të, por sërish Rama nuk e ka problem këtë pjesë. I mbyllur në kullën e xhamtë kreu i qeverisë kërkon internet dhe një kompjuter për për të shtyrë vitet, apo muajt e mbetur të qeverisjes së tij.
