Sic u bë dije edhe ditën e djeshme, Partia Demokratike sëbashku me atë të Lëvizjes për Integrim, kanë hequr dorë nga mandatet e deputetëve. Këtë lëvizje e kanë konfirmuar me rradhë shumë prej deputetëve të opozitës ndërkohë që ish-ministri i LSI dhe deputet i qarkut të Durrësit, Lefter Koka nuk e ka pranuar dicka të tillë.
Ai ka kundërshtuar vendimin e partisë së tij duke mos hequr dorë nga mandati. Por, për shumë kolegë të tij kjo shihet si një shatazh që Rama po i bën deputetëve të opozitës.
Nga ana tjetër edhe Jamarbër Malltezi ka hedhur një hipotezë tjetër lidhur me këtë deklaratë të deputetit të LSI.
Ai ka shkruar se Kokës po i bëhet shantazh nga ana e Ramës, për shkak se ka firmosur aferën korruptive që lidhet me inceneratorët. Malltezi shton se ai muaj më parë i ka thënë Kokës që do të bënte mirë që të ishte dëshmitar i drejtësisë.
“Shembulli tipik i qeverisjes: Blerja ose shantazhi. Këtij hallexhiut i deklarova 14 muaj me pare “Pendohu, behu deshmitar i drejtesise” lidhur me aferen kriminale te inceneratoreve ku Rama-Ahmetaj po perlajne 178 milione euro POR Teri ka firmos per kete afere dhe tani do hedhe vallen sipas Rames. 14 muaj qe qeveria i fshihet debatit per inceneratoret! Cfare halli i madh i ka zane?”, shkruan Malltezi.
