Gjatë ditës së djeshme kryeministri Rama u përpoq të banalizonte çështjen e djegies së mandateve nga ana e deputetëve të opozitës, duke e krahasuar me kampionatin Italian të futbollit.
Rama ka thënë se ai është si Juventusi dhe se të tjerët, nga pamundësia për të fituar, braktisin kampionatin. Por, duket se edhe ky krahasim që kryeministri është munduar të gjejë, ka një të metë të madhe.
Analisti Babaramo, i kujton kryeministrit se edhe historia e “ndritur” e Juventusit, është shenjuar nga një ngjarje e shëmtuar, siç ishte blerja e arbitrave dhe ndeshjeve, që e çuan në kategorinë e dytë.
Një shqetësim të ngjashëm ka edhe opozita sot, por jo me blerjen e ndeshjeve, por me blerjen e zgjedhjeve dhe korrupsionin galopant të Edi Ramës.
