Kryetari i Partisë Demokratike Lulzim Basha njoftoi vendimin e grupit parlamentar të PD-së për djegien e mandateve. Basha tha se vendimi u mor me votim unanim.
“Në përfundim të mbledhjes së grupit parlamentar të Partisë Demokratike ju njoftoj për vendimin që grupi mori me votë unanime. Duke patur parasysh gjendjen e emergjencës kombëtare ku ndodhet vendi për shkak të kapjes së kësaj qeverie në flagrancë duke vjedhur votat e qytetarëve shqiptarë, siç dëshmojnë edhe dosjet gjyqësore të publikuara nga mediat ndërkombëtare. Për shkak të kapjes së kësaj qeverie në afera flagrante korruptive dhe kriminale, eliminimit të parlamentit si një forum të demokracisë, eliminimit të Gjykatës Kushtetuese, kapjes totale të sistemit të drejtësisë, paralizës së shtetit, shtypjes sistematike dhe dhunimit të të drejtave themelore të njeriut dhe lirive të shqiptarëve, duke përfshirë të drejtën e jetës, shëndetit dhe pronës, që kanë shkaktuar një situatë të paprecedentë të krizës ekonomike, të emigracionit masiv kombëtar dhe gjendjes katastrofave të mjerimit social duke mbështetur plotësisht zgjedhjen politike të forcuar nga opozita e bashkuar për një qeveri tranzitore, e gatshme për të marrë të gjitha hapat e nevojshme për zgjedhje të lira dhe te ndershme të parakohshme parlamentare, vendosi unanimisht djegien e mandateve parlamentare të Partisë Demokratike në Kuvendin e dalë me votat e krimit dhe mafias në zgjedhjet e manipuluara të vitit 2017. Grupi parlamentar i PD autorizoi kryetarin e partisë dhe ndjek hapat e mëtejshme në përputhje me statutin e Partisë Demokratike të Shqipërisë”, deklaroi Basha.
https://www.facebook.com/lulzimbasha.al/videos/2228224853911486/?notif_id=1550490949664933¬if_t=live_video_explicit
