Për Jona Spahiun fliten gjithnjë fjalë të mira e sidomos në daljet televizive dhe kjo e ka një arsye.
Jona është modeste, transparente dhe mjaft e formuar.
Përpara pak kohësh moderatorja e njohur është bërë nënë e një djali dhe kjo mbase ka bërë që të shkëputet prej rreth një viti nga televizioni.
Këtë herë Jona ka qenë e ftuar në emisionin “Thumb” ku ka folur edhe për rikthimin e saj në televizion.
Ajo ka rrëfyer ndër të tjera se ka patur shumë raste kur largimin e saj nga diçka e ka marrë vesh përmes portaleve.
“Jam ndjerë e nënvlerësuar(në televizion). Kam qenë një pulë, një njeri të cilin e linin atje dhe nuk bënte gjë. Të gjitha gjërat që mua më thonin unë i diskutoja me veten time dhe nxirrja gabime tek vetja.
Dëgjoja pafund njerëz që më thoshin Jona përse nuk e merr ti këtë emision? Përse nuk bën diçka më të madhe? Ndërkohë që ka pasur edhe shumë raste kur unë largimin tim nga diçka e kam marrë vesh nga portalet.
Mesa duket nuk është pjesë e filozofisë së televizionit ku supozohet që njerëzit të jenë të realizuar. Edhe janë druajtuar nga potenciali im ndoshta dhe kanë bërë çdo që të jetë e mundur të frenonin shkëlqimin tim.
Nëse ka diçka që unë e kam bërë timen nga televizioni është se unë jam bërë një njeri tjetër që e di se çfarë dua, pa bërë kompromise. Sinqerisht më ka ndihmuar shumë për të kuptuar se ku jam unë.”,- ka rrëfyer Jona
