Dalin detajet nga mbledhja e grupit parlamentar të Partisë Socialiste, e cila vjen një ditë pas propozimit të Lulzim Bashës për të djegur mandatet e deputetëve demokratë.
Bëhet me dije se Rama u ka kërkuar deputetëve socialist që të fokusohen te zgjedhjet lokale të Qershorit, pavarësisht lëvizjes që ka ndërmarr opozita.
“Organizim për zgjedhjet vendore pavaresisht ç’bën opozita”, mësohet të jetë shprehur Rama.
“Opozita nuk ka këllqe të djegë mandatet”, mësohet të jetë shprehur kreu i qeverisë.
Në një prononcim për mediat italiane Rama është shprehur se nuk ka ndërmend që të japë dorëheqjen, dhe vendi nuk do të shkojë drejt zgjedhjeve të parakohshme.
“As nuk e çoj ndërmend. Kam një mandat të qartë nga populli, kemi një mazhorancë në Parlament dhe në fund unë kam detyrimin përballë bashkëkombësve të mi. Nuk jam i detyruar të ndjek kërkesat e minorancës parlamentare. I vetmi detyrim është kontrata me popullin shqiptar, që na ka dhënë votën për të qeverisur”, ka thënë Rama
