Një aksion i karabinierëve të Napolit ka çuar në sekuestrimin e një sasie prej 1 ton e 250 kg hashash, të fshehur mes qepëve dhe portokalleve.
Sipas mediave italiane, në pranga kanë rënë tre persona, dy shoferë kamionësh ku u gjet droga dhe një pasagjer në një nga mjetet: Antonio Sciccone, 37 vjeç, shqiptari Sami Bodini, 54 vjeç (pasagjer në automjetin e drejtuar nga Sciccone), të dy me banim në Marano dhe shoferi tjetër Salvatore Caccavale, 56 vjeç.
Ata akuzohen për posedim të lëndës narkotike me qëllim trafikimin.
Në kamionin e para që drejtohej nga Sciccone me pasagjer shqiptarin Bodini, u gjetën 836,4 kg hashash të fshehur mes qepëve.
Ndërsa në të dytin, 414 kg të fshehur mes portokalleve. /Boldnews.al/
