Rajoni i Kryepeshkopatës së Newarkut të shtetit amerikan të Nju Xhersit ka shpallur emrat e 63 priftërinjve që ngacmonin seksualisht fëmijë në kishat katolike.
Pas një raporti nga Prokurori i Përgjithshëm i Shteteve të Bashkuara se më shumë se 1,000 fëmijë në kisha janë abuzuar seksualisht dhe se ato krime janë të mbuluara nga qeveritarët, zonat arqipeshkore në Shtetet e Bashkuara vazhdojnë të shpalin emrat e atyre që i abuzojnë ata.
Kryepeshkopia Newark i New Jersey ka bërë publike emrat e 63 priftërinjve që kanë ngacmuar seksualisht nëpër kisha që nga vitet 1940. Kardinali Joseph Tobin, kryepeshkopi i Newarkut, shkroi në deklaratën e tij me shkrim se “Ne shpresojmë se ky zbulim do të ndihmojë këta njerëz të abuzuar të tejkalojnë ato që i kanë përjetuar.”
Katër zonat arqipeshkore në New Jersey pritet të zbulojnë emrat e priftërinjve të cilët abuzojnë seksualisht edhe nëpër kisha të tjera.
SKANDALI I ABUZIMIT SEKSUAL NË KISHAT E SHBA-SË
Avokati amerikan, Josh Shapiro tha pas dy vitesh hetim në muajin gusht, ai përfundoi se abuzimi seksual i fëmijëve ishte mbuluar në mënyrë ‘sistematike’ nga zyrtarë të lartë të kishës në Pensilvani dhe Vatikan.
Edhe juria e hetimeve tha se më shumë se 300 priftërinj kishin abuzuar fëmijët që nga mesi i viteve 1950, duke akuzuar qindra priftërinj të Kishës Katolike Romake për abuzim seksual me më shumë se një mijë fëmijë.Juria, e cila theksoi se shumica e viktimave ishin të gjinisë mashkullore, raportoi se u gjetën të gjitha llojet e ngacmimeve seksuale, përfshirë edhe përdhunimin.
Pas raportit në fjalë, rajonet kryepeshkopike në shtete të ndryshme të Shteteve të Bashkuara shpallën emrat e priftërinjve të cilët u zbulua se kishin ngacmuar seksualisht.
Në një raport të përgatitur, Prokurorja e Përgjithshme e Illinois, Lisa Madigan vuri në dukje se ishte raportuar se emrat e mbi 500 priftërinjve të akuzuar për abuzime seksuale në kishë nuk ndodheshin në listën e botuar nga Rajoni i Peshkopisë Katolike të Illinois-it.
