Java e 22-të e Kategorisë Superiore pati rezultate surprizë si humbjen e Partizanit kryesues në Laç, fitoren e Kastriotit në Kamëz, Teuta fitoi kryendeshjen e javës përballë Kukësit, Flamurtari fitoi në Vlorë përballë Skënderbeut dhe Tirana barazoi në fushën e vet përballë Luftëtarit. Çdo ndeshje na dhuroi gola dhe gjithsej kishim 9 gola në 5 takime.
Pas kësaj jave diferenca mes vendit të parë dhe të dytë ngushtohet vetëm në 7 pikë ku rihapet gara për titullin kampion. Fitoret e fundit të Kastriot kanë rihapur dhe garën e mbijetesës ku mes Tiranës të vendit të 7 dhe krutanë të vendit të 9 është 6 pikë me kryeqytetasit që në javën e ardhshme udhëtojnë drejt Korçës. Ndërsa në mesin e tabelës kemi një “luftë” mes Laçit, Skënderbeut dhe Flamurtarit për vendin e 4 ku mund të sigurojnë kualifikueset e Europa League nëse Kupa fitohen nga një ekip i tre vendeve të para.
Rezultatet e javës së 22-të
Teuta-Kukësi 2-1
Laçi-Partizani 1-0
Kamza-Kastrioti 0-1
Flamurtari-Skënderbeu 2-0
Tirana-Luftëtari 1-1
Tabela e klasifikimit
Ndeshjet e javës së 23-të
Skënderbeu-Tirana
Partizani-Flamurtari
Kukësi-Kamza
Kastrioti-Laçi
Luftëtari-Teuta
