Anëtari i Kryesisë së PD-së, Tomorr Alizoti është shprehur i bindur se grupi parlamentar i opozitës do ta votojë propozimin e kreut demokrat për djegien e mandateve.
I njohur dhe për qëndrimet e tij kritike ndaj kryetarit Lulzim Basha, Alizoti theksoi se mazhoranca nuk është e zgjedhur nga populli, por një qeveri teknike, pasi shumica e ministrave nuk janë votuar në zgjedhje.
“Qeveria aktuale është teknike, është qeveria e parë në Europë që ka në përbëjen e saj njerz që nuk janë të votuar nga populli. Pra kemi një qeveri teknike brenda mazhorancës. Nuk mund të qeverisin ministra që nuk janë të votuar nga populli, kjo gjë është një grusht që i jepet demokracisë. Në partinë opozitare ka një tentativë tashmë për t’u demokratizuar të shohim sesa do të realizohet. Në parlament ka njerëz analfabetë pse ndodh kjo? Sepse këtu janë vjedhin kutitë. Jam i bindur se Grupi Parlamentar i opozitës do ta votojë propozimin e Bashës për djegien e mandateve”, u shpreh Alizoti, I ftuar në Neës 24.
Basha e argumentoi propozimin për djegien e mandateve si të vetmen mënyrë për të zgjidhur ngërçin ku ka hyrë vendi. Në krah të tij janë renditur deri tani LSI-ja dhe PAA-ja.
