Ish-Presindeti Bujar Nishani ka dënuar veprimet e policisë pas preotestës që ka nisur ndalimet. Mes personave që janë shqoëruar në polici është edhe ish-kreu i Policisë Bashkiake Florenc Hoxha.
Në një shënim në Facebook, Nishani shkruan: “Një grup kapuçonës të zinj, ja si e përdorin emrin, forcën, pushtetin e shtetit tek godasin me grushta një person që thonë se po e shoqërojnë në polici. Këta banditë nuk do mund të kishin këtë kurajo prej nazistësh nëse një Kryegangsterr nuk do të kishte uzurpuar zyrën e Qeverisë pikërisht me ndihmën e këtyre tipave”.
“Nëse opozita nuk kërkon hetimin e këtyre gangsterrëve dhe urdhërdhënësve të tyre është në bashkëfajsi. Zotërinj ambasador të huaj, ja këta janë partnerët tuaj në Shqipëri. Uragani popullor i shqiptarëve nuk trembet dot, Jo”, e mbyll reagimin e tij ish-kreu i shtetit.
