Ish-ministri i Drejtësisë, Ylli Manjani, i ka cilësuar qesharake deklarata e bëra nga Rilindasit se protesta e sotme ishte e dhunshme.
Përmes një postimi në Facebook, Manjani shkruan se asnjë polic nuk u prek sot nga qytetarët që protestonin para kryeministrisë.
Sipas juristit tij, “kush i ka mendt në kokë kupton thelbin e atij lumi njerëzish që pushtuan bulevardin dhe Kryeministrinë rretherrotull”.
Ja postimi i Manjanit:
Të gjithë ata që tek protesta sto shohin vetëm dhunë ndaj Kauçukëve” te kryeministria duket të kuptojnë se dhuna më e madhe ishte kur ato u vunë aty.
I vuri usta Edvini pa shije e pa kuptim. I vuri pa leje dhe në dëm të trashëgimisë historike. Në shkelje të plotë të ligjeve të shtetit.
Le të guxojë dikush të vërë një strehë në ballkonin e tij, jo aq vezulluese sa ajo e Kryeministrisë dhe e sheh veten në polici!
Pse Edvini, zbatuesi i ligjeve, paska të drejtë të dhunojë dhe populli, pronari i ligjeve, që proteston kundër dhunës quhet “i dhunshëm”?!!
Kush i ka mendt në kokë kupton thelbin e atij lumi njerëzish që pushtuan bulevardin dhe Kryeministrinë rretherrotull!
Lerini përrallat me dhunë pa dhunë. Asnjë polic i vetëm nuk u prek. Përkundrazi, u helmuan edhe ata si protestuesit nga kolegët e tyre.
Lumi i njerëzve ishte vërtetë i madh. Dhe u larguan nga sheshi jo se u bënë me qeverinë, as me urretje për opozitën por thjesht të helmuar nga gazi që u hodh sipas qejfit.
