“Le të zotohemi sot se kjo kryengritje qytetare do të vazhdojë deri në përmbysjen totale të këtij sistemi të kalbur dhe t’ju ftoj të enjten në orën 10:00 në protestën tjetër më të bashkuar dhe të vendosur se kurrë”. Deklarata që u bë nga kreu i opozitës Lulzim Basha në mbyllje të protestës së sotme para kryeministrisë, duket se ka trembur mazhorancën dhe vetë kreun e qeverisë Edi Rama.
Burime nga mazhoranca thanë për “Boldnews” se të enjten e ardhshme, mund të mos ketë seancë plenare si zakonisht.
Të njëjtat burime shtuan se vendimi që seanca e së enjtes do të shtyhet ose jo, pritet të merret javën e ardhshme.
Deputetë të PS pohojnë se mund të ketë një vendim për të shtyrë seancën me qëllim shmangien e përplasjeve. /Boldnews.al/
