Kreu i grupit parlamentar të LSI, Petrit Vasili ka reaguar zyrtarisht në emër të LSI lidhur me pajisjen e përgjimit në zyrën e Ministrit të Brendshëm Sajmir Tahiri.
Vasili tha se se kjo ngjarje është tepër e rëndë dhe personat përgjegjës duhet të dalin para ligjit.
“Bërja transparente e plotë, zbardhja e përgjegjësisë pa hezitim për këdo do të ishte përgjigjja më e mirë për këdo. Hetimi duhet të zbulojë përgjegjësitë e gjithsecilit në një çështje të tillë kaq serioze pa dalluar kërkënd, qoftë ministër, zv/ministër etj, pavarësisht nga përkatësia politike që mund të ketë”, u shpreh kreu i grupit të LSI Petrit Vasili.
Ministri i Brendshëm ka gjetur pajisjen përgjuese në zyrën e tij dhe ka bërë kallëzim në Prokurori.
