Një ditë para protestës së opozitës, Policia Rrugore bën thirrje atyre që udhëtojnë drejt Tiranës, që mos të kalojnë nga autostrada Tiranë-Durrës, por të ndjekin intenerarin përmes aksit Rrogozhinë-Peqin-Elbasan dhe më pas përmes tunelit drejt Tiranës.
Për udhëtarët që vijnë nga zona të caktuara si Fieri apo Vlora, është një interenar i stërlodhshëm ai që këshillon Policia për të mbërritur në Tiranë, krahasuar me autostradën Tiranë-Durrës. E dyta, duke i drejtuar vetëm në një intenerar, ngrihen dyshime se policia do të ketë nën kontroll të gjithë mjetet që nisen drejt Tiranës ditën e nesërme.
“Për shkak të punimeve në rrugën interurbane kryesore Tiranë-Durrës (autostrada), shërbimi i Policisë Rrugore, nisur nga kryerja e punimeve, iu sugjeron drejtuesve të mjeteve që udhëtojnë nga Tirana drejt Jugut, kryesisht drejt Lushnjës, Beratit, Vlorës, Fierit, Gjirokastrës dhe zonave të tjera, për të mos u vonuar mund të zgjedhin si variant alternativ kalim nga Rruga e Elbasanit drejt Tunelit- Elbasan-Peqin Rrogozhinë-Jug. Gjithashtu edhe drejtuesit e mjeteve që kthehen në Tiranë nga këto zona, për t’u kthyer më shpejt dhe për të evituar ngarkesën dhe vonesat drejt Tiranës mund të ndjekin këtë itinerar. Në autostradë po vazhdojnë punimet nga kontraktori, ndërkohë që ka prezencë të shtuar të Policisë Rrugore. Shërbimi i Policisë Rrugore kërkon mirëkuptimin që të respektohet në maksimum sistemi i sinjalizimit vertikal dhe horizontal i përkohshëm në këtë segment rrugor, me synim evitimin e bllokimeve dhe të aksidenteve të mundshme”, thuhet në njoftim.
Partia Demokratike ka akuzuar qeverinë dhe Policinë se ka bllokuar autostradën Tiranë-Durrës, pikërisht për të ndaluar protestuesit të vijnë drejt Tiranës ditën e nesërme, kur do të mbahet protesta para kryeministrisë.
