Gjatë një kontrolli “blic” të Forcave Speciale në orët e para të mëngjesit, gjyqtarit të Apelit të Vlorës, Skënder Damini, iu gjetën në një sirtar brenda në dhomën e gjumit rreth 20 mijë euro dhe 20 fishekë arme zjarri pistoletë.
Ai u shoqërua në polici dhe u mor në pyetje për rreth 6 orë me radhë. Mësohet se gjyqtari ka deklaruar përpara grupit hetimor se paratë janë të djalit të tij. Ai ka pretenduar gjithashtu se disponon dokumente për të provuar këtë alibi.
I pyetur për 20 fishekët e gjetur në shtëpi, gjyqtari ka deklaruar se i përkasin armës së tij të zjarrit tip pistoletë të cilën e ai e ka disponuar me leje.
