Mund të cilësohet një katastrofë natyrore ajo që po ndodh tek Syri i Kaltër në Sarandë, edhe pse natyra i fali gjithë bukuritë e mundshme.
Nga denoncimet e bëra në rrjetet sociale, një pjesë e mirë e Syrit të Kaltër ngjason me një gërmadhë punimi. Shumë prej pemëve janë prerë duke lënë vetëm disa ‘sa për sy e faqe’ ndërkohë që vetë banorët kanë filluar të rrethojnë zonën me gardhe. Një dukuri e habitshme për sa kohë që ajo është edhe një zonë turistike.
Banorët e ksaj zone por edhe turistët shpesh herë janë ankuar për veprime vandale dhe të pajustifikueshme në këtë zonë. Edhe pastërtia lë për të dëshiruar. Sic shihet edhe në foto, drurët nga prerja e pemëve janë bërë stivë ndërsa pak më tutje koshët e plehra janë në gjendje të mjerushme. Pamje që janë shumë larg me imazhin e bukur e të pastër të një ndër zonave më të bukura të rivierës shqiptare. /Boldnews.al/
