Teksa Shtetet e Bashkuara të Amerikës janë karakterizuar nga moti i ftohtë dhe reshjet e borës, një dukuri e rrallë ka ndodhur pikërisht në Shtetin e Aloha-s, teksa reshjet e borës kanë mbuluar zonën e “Polipoli State Park” në Maui, e cila ndodhet në një lartësi 1889.76 metrash nga niveli i detit.
Kjo është hera e parë në histori që një zonë kaq e afërt me detin, e cila gjatë gjithë vitit shfrytëzohet nga vendasit dhe turistët për të bërë plazh, preket nga reshjet e borës.
Kështu shprehet Shërbimi Kombëtar i Motit në SHBA, i cili konfirmon se temperaturat e ftohta e reshjet e borës do të vazhdojnë deri të premten.
Sipas këtij shërbimi reshjet e borës në Maui janë të rralla, por jo një fenomen i padëgjuar më parë pasi ka gjasa të ndodhin çdo pesë vjet.
