Flamurtari mund të falimentojë për shkak të borxheve të shumta. Në kampin vlonjat po dalin një nga një në sipërfaqe problemet e shumta që klubi ka.
I fundit që ka fituar gjyqin për pagesat e pa marra është mesfushori Haxhi Neziraj. Ky i fundit duhet të paguhet me 15 mijë euro. Në listën e pritjeve janë edhe Ernest Gjoka, Yll Hoxha dhe Arsid Kruja. Trajnerit kuqezinjtë i detyrohen 26 mijë euro. Mesfushori anësor pret 11 mijë euro që Flamurtari ia ka borxh, madje e ka fituar gjyqin në Dhomën Kombëtare të Zgjidhjes së Konflikteve dhe ka kërkuar në maj të vitit 2018 ekzekutimin e vendimit.
Disiplina ka qenë e zënë këto kohë dhe nuk e ka shqyrtuar këtë çështje, sikurse po bën edhe me kërkesën e bërë më 31 janar nga Arsid Kruja. Shkodrani e ka fituar gjyqin që në vitin 2016 dhe Flamurtari i detyrohet 16 mijë euro. Edhe Donjet Shkodra më parë i ka çuar vlonjatët në FIFA për 30 mijë euro. Administratori Sinan Idrizi ka plot probleme për të zgjidhur.
