Një aksident i rëndë ka ndodhur në autostradën Shkup-Tetovë, ku një autobus ka dalë nga rruga dhe ka rënë nga një lartësi thuajse 20 metra duke u botuar.
Si pasojë kanë humbur jetën gjashtë persona dhe janë plagosur 30 të tjerë.
Akoma nuk ka dijeni nëse personat që kanë humbur jetën janë shqiptarë apo maqedonas.
Burime për Boldnews bëjnë me dije se disa nga të plagosurit janë në gjendje të rëndë.
Ambulanca, ekipet policore dhe qytetarë të shumtë u angazhuan për të nxjerrë udhëtarët e lënduar që ishin bllokuar në autobusin e rrokullisur.
Ndërkohë, në Qendrën e Klinikave në Shkup janë transportuar disa nga të lënduarit.
Merret vesh se në vendin e ngjarjes janë mbledhur ekipet e rendit, zjarrfikësit dhe veturat e Ndihmës së Shpejtë së bashku me personelin mjekësor.
/Boldnews.al/
