Luftoni pastrimin e parave të përfituara nga trafikimi i lëndëve narkotike, ky është hapi i dytë i luftës kundër drogës.
Porosia e prerë është dhënë nga e Ngarkuara me Punë e Ambasadës së SHBA-së në Tiranë, Leyla Moses-Ones, gjatë fjalës së mbajtur në aktivitetin “Për një Shqipëri pa kanabis”.
Diplomatja amerikane ka vënë theksin në vullnetin politik që duhet të ketë për të luftuar drogën, ndërsa theksoi se SHBA janë me ju që politika të mos mbështesë këtë aktivitet të paligjshëm.
“Duhen vendosur pengesa që trafikantët mos ta shohin Shqipërinë si vend lejimi.
Kapja e Kelment Balilit dhe Arbër Çekaj duhet të shërbejë si gurë themeli për këtë përpjekje të gjatë.
Është në dorën e prokurorëve, gjykatave dhe vullnetit politik, ne nuk e duam këtë më shumë se ju, SHBA janë me ju, por ne varemi nga vullneti juaj politik dhe guximi për të vijuar luftën.
Ne jemi me ju që politika mos ta mbështesë këtë aktivitet të paligjshëm.
Trafiku i drogës prodhon para të pista, që furnizojnë më pas krimin e organizuar, që më pas mund të dobësojë shtetin.
Arrestimet duhet të pasohen me konfiskim të pasurive të kriminelëve”, theksoi diplomatja amerikane në Tiranë.
