Një vajzë 4 vjeçare e cila kishte ngecur në murin e një spitali në katin e sghtatë, ka shpëtuar mrekullisht.
Vogëlushja kishte ngecur në mur, pasi rrobat e saj ishin kapur në disa pengesa aty. Ajo kishte shkuar për të vizituar babin e saj në Spitalin Phaholpolpayuhasena në rrethin e provincës Mueang, që qëndronte i shtruar në katin e shtatë.
Mediat lokale raportojnë se vajza filloi të ndiqte një hardhucë që e çoi në tarracën e spitalit. Vajza humbi ekuilibrin dhe rrëshqiti nga ndërtesa por për fat të mirë rrobat e saj ngecën në pjesën metalike ku ishte shkruar emri i spitalit.
Në video shihen 5 infermierë dhe dy zyrtarë të tjerë të spitalit në tarracë që përpiqen të tërheqin vajzën lart. Ndërsa disa njerëz të tjerë u vendosën në ballkon në një kat më poshtë, gjithashtu në përpjekje për ta kapur nëse rrëshqiste.
Vajza shpëtoi për mrekulli, pas infermierët në tarracë arritën ta tërhiqnin lart në mënyrë të sigurt.
