Pasi arratia e saj u bë një lajm global, mësuesja 24-vjeçare, e cila akuzohet se ka kryer marrëdhënie seksuale më nxënësin e saj 13-vjeçar, është vetëdorëzuar në polici.
Lidhja mes tyre ka nisur prej muajit shtator të vitit të kaluar, por është zbuluar në muajin shkurt të këtij viti kur ajo kishte ngelur edhe shtatzënë me 13-vjeçarin.
Alexandra Vera, nënë e një vajze 4 vjeçe, u pushua nga puna për këtë çështje në muajin prill të këtij viti, kohë në të cilënajo ka kryer edhe abortin.
Por pas verifikimeve, Gjykata vendosi masën e arrestit për të deri në një vendim final. Prej këtij momenti 24-vjeçarja ka marrë arratinë duke u vetëdorëzua një ditë pasi lajmi për të mori përmasa ndërkombëtare.
Akuzat me të cilat ajo përballet janë të dënueshme sipas ligjeve të Teksasit deri në 99 vite burg.
Mësuesja e klasës së tetë, deklaroi para policisë se ajo dhe adoleshenti kanë rënë në dashuri, madje ajo pretendon se kishte marrë edhe bekimin familjarëve të tij, të cilën ai ua kishte prezantuar si të dashurën e tij.
Sipas dokumenteve të paraqitur në gjyq ajo 24-vjeçarja shprehet se prindërit e 13-vjeçarit e kishin lejuar që ai të kalonte natën me të.
