Sa seks duhet bërë? Numri magjik i 1 herë në javë për të arritur lumturinë optimale në një marrëdhënie është një subjekt i debatuar ashpër.
Por njerëzit gjithmonë mesa duket janë në pikëpyetje nëse ata janë duke e bërë atë mjaftueshëm.
Duke shkruar për “The Conversation”, Juliet Ritchers, profesore në shëndetin seksual në Universitetin e New South Wales, Australi, shqyrton këtë temë dhe thotë: Po, është normale.
Ajo pyet a është normale që të mos ketë marrëdhënie seksuale ose të jeni të interesuar në ketë drejtim?
Ka njerëz të cilët nuk e ndjejnë nevojën për seks, edhe pse ndoshta janë të rrallë. Ata mund të qëndrojnë për ditë, javë, muaj apo edhe vite pa seks, ndërsa të tjerët bëhen janë nervoz, të hutuar dhe të pakënaqur, vetëm tre ditë të kalojnë pa seks.
Interesi seksual vjen dhe shkon me kalimin e kohës. Ai mund të zhduket në kohë sëmundjesh dhe stresi (edhe pse disa njerëz e përdorin seksin si një lloj çlirues stresi).
Shumica e prindërve të fëmijëve të vegjël e dinë ndjesinë e uljes së dëshirës për seks, sepse kanë nevojë për gjumë.
Për shumë, interesi seksual ikën me kalimin e viteve, kurse lulëzon përsëri në një marrëdhënie të re.
Njerëzit ndonjëherë mendojnë se në një çift të dy palët e kanë për detyrë të ofrojnë seks kur tjetri e dëshiron. Siç shprehet edhe në institucionin social të martesës monogame.
Ideja është që të gjithë njerëzit duhet ta gëzojnë seksin, ashtu siç ata dëshirojnë dhe ndihen mirë.
Një studim kombëtar në Australi u kërkoi më shumë se 20.000 njerëzve në mes moshës 16 dhe 69 vjeç të rrëfenin për jetën e tyre seksuale.
Rreth gjashtë për qind e të gjithë të anketuarve kurrë nuk kishin pasur marrëdhënie “penis-në-vaginë” (disa prej të cilëve ishin tërhequr nga i njëjti seks) dhe gati gjysma e atyre kurrë nuk kishin pasur ndonjë lloj përvoje seksuale me një person tjetër.
Por, rreth dy të tretat e të virgjërve ishin nën 20 vjeç dhe ndoshta do të kishin marrëdhënie në të ardhmen.
99 për qind e njerëzve mbi 30 vjeç thonë se ata kanë pasur marrëdhënie.
Kjo është shifër e lartë, duke përfshirë disa njerëz me aftësi të kufizuara, murgeshat dhe priftërinjtë.
Por a ka qenë gjithmonë kështu?
Në shekullin e 19, shumë njerëz nuk kishin bërë kurrë marrëdhënie. Shumë njerëz në shërbimin e brendshëm, forcat e armatosura, kishë dhe kështu me radhë nuk martoheshin dhe kjo mendohej si mjaft normale.
Seksi jashtë martese, masturbimi dhe seksi me partnerë të së njëjtës gjini ishte shumë më i stigmatizuar se tani.
(edhe pse puna e seksit ishte shumë më e zakonshme).
Por këto ditë, dështimi për të arritur statusin partneritet është parë shpesh si një problem.
Pra ideja sa duhet bërë seks mbetet në thelb një ide që secili i jep kuptim sipas nevojave dhe dëshirave.
Edhe në mesin e njerëzve që kryejnë marrëdhënie të rregullta seksuale mashkull-femër, anketa ka treguar se 1 person në gjashtë nuk ka pasur marrëdhënie seksuale në katër javët e fundit.
Dëshira është gjithashtu mjaft subjektive dhe ka të bëjë me rrethanat personale.
Problemi qëndron se disa njerëz mendojnë se jo nuk duan seks, por nuk duan aq shpesh sa kërkon partneri i tyre. Ndaj duhet përputhshmëri edhe në këtë drejtim.
Burimi: DailyMail
