Në kuadër të nismës së titulluar “Bashkia që duam”, një fushatë propagandistike për zgjedhjet e ardhshme lokale, kryeministri Edi Rama u ndal këtë të këtë të martë në Lezhë.
Stili dhe teknika që shpalosi ishte i njëjti që e ka ndjekur në takime të ngjashme: arrogant, premtime boshë për qytetarët dhe “shqipëriaqëduam”, një levë për t’iu shmangur aty për aty halleve të vërteta të qytetarëve.
Të shumë kanë qenë pjesëmarrës në takim, që pasi kanë marrë pëlqimin e kreut të qeverisë për të folur, kanë treguar problemet e tyre, më së shumti në lidhje me pronat. Në të gjitha rastet, përgjigja e Ramës ishte e njëjta: Shkruaj në portalin “shqipëriuaqëduam” dhe brenda 10 ditësh do marrësh përgjigje nëse ke të drejtë apo jo. Vetëm kaq dhe fjala kalonte te hallexhiu tjetër po me pëlqimin e shefit të qeverisë, që në këtë takim kishte mbledhur me vete edhe deputetë të qarkut.
Dikujt madje, Rama nuk ia dha fjalën, duke i thënë: “ti nuk je grua”. Ofendimi që drejtuesi i Shqipërisë i bëri qytetarit, është përdorur shpesh, si një formë humori bajat, që kreu i qeverisë synon të krijojë një imazh të mirë te votueset femra. Nuk mungoi patjetër as sulmi ndaj kundërshtarëve politikë.
Një qytetar, i cili u prezantua si Arturi, shprehu shqetësimin e mungesë së turistëve te porti i Shëngjinit për shkak të mungesës së investimeve, duke shpjeguar se kjo sjell edhe një goditje ekonomike për familjet atje. E beftë ishte përgjigja e Ramës. “Në portin e Shëngjin kemi një projekt dhe qëllimi është të bëhet port turistik dhe natyrisht për lëvizjen e pasagjerëve”, premtoi Rama. Premtimi, megjithëse ashtu si në ‘ajër’, është ndoshta më realist se ai që bënin tre vite më parë. Asokohe, në një mbledhje të komisionit për veprimtarinë prodhuese, ministri i Financave dhe Ekonomisë, Arben Ahmetaj premtonte “së shpejti” një port jahtesh në Shëngjin.
Tanimë, duket se fushata e rilindësve është më me ‘këmbë në tokë’. Ata thjesht kërkojnë nga qytetarët votat që të kenë timonin të vetëm, thonë se kanë bërë shumë dhe kanë shumë për të bërë dhe shprehin bindjen se “o e bëjmë ne këtë vend, o askush tjetër se bën dot”. Frazë me të cilin e mbylli takimin nga Lezha edhe kreu i qeverisë.
/Boldnews.al/
