Përditësuar/ Nga Elbasani, kryetari i Partisë Demokratike tha se oficerët e ndershëm të policisë do jenë krah qytetarëve në protestën e 16 shkurtit.
Lulzim Basha u bëri thirrje qytetarëve të bashkohen në protestën e të shtunës, për të “deklaruar fundin e qeverisë së Edi Ramës”.
“Në atë bashkim do të vijnë qindra e mijëra fermerë të tradhtuar nga Edi Rama që iu kalbën prodhime që i hedhin në kanal dhe tani me sistemi korriptiv të TVSH-së janë shndërruar në viktima të një grusht grosistësh monopolist të cilët do të sjellin prodhime e huaja duke shuar prodhimin shqiptarë nëse nuk reagojnë. Aty do jenë studnetët e pegadodët, aty do jenë maturantët dhe mësuesit, do jenë mjekët dhe infermierët, do të jenë familjarët dhe pacientëve që dergjen në kushte mesjetare në spitalin e Elbasanit dhe të gjithë spitalet e tjera të Shqipërisë të shndërruara në makthe të vërteta të mungesës së ilaçeve bazë, për shkak të mungesës së mjekëve dhe infermierëve që po ikin masivisht nga Shqipëria. Por aty do të jenë me ne edhe në krahun tonë edhe shumica dërrmuesve e punonjësve të ndershëm të Policisë së Shtetit”, tha Basha.
“Aty do të jenë kolegët e katër oficerëvre të vrarë nga dora kriminale e Dritan Dajtit, që Edi Rama po bëhet gati ta lirojë nga burgi njësoj si kriminelët e tjerë. Aty do të jenë kolegët e Dritan Zaganit që zbuloi se ishim i vetmi vend në botë ku Ministri i Brendshëm bënte trafikun e drogës, aty do të jenë kolegët e Emiljano Nuhut, që zbuloi se si Policia në vend që të mbronte vajzën jetime, kërcënonte kolegun e vet që të mos merrte denoncimin. Aty do të jenë pra të gjitha ata bura dhe gra të ndershme me uniformë, 70 përqind e të cilëve duan të largohen nga Shqipëria, sepse me 16 shkurt, nuk ka një përballje midis të djathtës dhe të majtës, por ka një përballje mes shumicës dërmuese të popullit të tradhtuar nga Edi Rama dhe një grushti, nuk i them qensh se qeni është kafshë e mirë, por një grushti minjsh që kanë ngrenë të babëzitur, kanë marrë ç’kanë mundur kanë vjedhur e grabitur një grusht njerëzit që s’kanë për ti mbrojtur askush më 16 shkurt. Apo Policia se policia është populli, policia do luftën kundër krimit dhe s’mund të mbrojë kurrë kriminelët dhe politikanët e lidhur me ta”, deklaroi kreu i PD-së.
***
VIDEO/ Basha nga Elbasani: Era e ndryshimit po përhapet në të gjithë Shqipërinë
Kryetari i Partisë Demokratike, Lulzim Basha u ndal në Elbasan, ku po zhvillon një takim me qytetarë, të cilëve u bëri thirrje për pjesëmarrje në protestën e 16 shkurtit.
“Era e ndryshimit po ndjehet në Elbasan e cila po përhapet në të gjithë Shqipërinë”, u shpreh Basha në nisje të takimit me qytetarët e Elbasanit.
